Anil Chavda
1 Book / Date of Birth:- 10-05-1985
અનિલ ચાવડા એ ગુજરાતી ભાષાના લેખક, કવિ, અને કટારલેખક છે. તેમનો જાણીતો ગઝલસંગ્રહ સવાર લઈને (2012), જેને સાહિત્ય એકેડેમી દ્વારા યુવા પુરસ્કાર -2014 આપવામાં આવ્યો એમને તે ઉપરાંત શયદા એવોર્ડ 2010, ગુજરાત સાહિત્ય એકેડેમીએ 2013માં યુવા ગૌરવ પુરષ્કાર અને ગુજરાત સમાચાર અને સમન્વયનો રાજીવ પટેલ એવોર્ડ મળ્યો છે.ગઝલ સિવાય તેમણે કવિતાના બીજા પ્રકાર જેવાકે ગીત, અછાંદસ કવિતા અને સોનેટ પર પણ કામ કર્યું છે. એક હતી વાર્તા એ તેમની ટૂંકી વાર્તા સંગ્રહ છે. તેઓ દૂરદર્શન અને ઓલ ઇન્ડિયા રેડીઓના ઘણાં ટીવી અને રેડીઓના કાર્યક્રમોમાં આવી ગયા છે. અનિલ ચાવડાનો જન્મ મણીબેન અને પ્રેમજીભાઈના ઘરે કરેલા (લખતર) ગામે, સુરેન્દ્રનગર જિલ્લામાં (ગુજરાત, ભારત) થયો હતો. અનિલ ચાવડાએ કોલેજના દિવસોથી કવિતાઓ લખવાની શરૂઆત કરી અને તે જાણીતા ગુજરાતી કવિઓ જેવાકે ચિનુ મોદી, આદિલ મન્સૂરી, સિતાંશુ યશાસ્ચંદ્ર, અને લાભશંકર ઠાકરથી પ્રભાવિત હતા.2004માં ગુજરાતી કવિતા સામયિક કવિલોકમાં તેમની ગઝલ પહેલી વખત પ્રકાશિત થઈ. પછી તેમના લખાણ જાણીતા ગુજરાતી સાહિત્ય સામયિકો જેવાકે ગઝલવિશ્વ, ધબક, પરિવેશ, શબ્દસૃષ્ટિ, કવિલોક,કુમાર, નવનીત સમર્પણ,પરબ, શબ્દસર અને તદાર્થયમાં પ્રકાશિત થતી રહી. 2007માં તેમની ગઝલો વીસ પંચામાં ગુજરાતી યુવા કવિઓ અશોક ચાવડા, ભાવેશ ભટ્ટ, હરદ્વાર ગોસ્વામી, અને ચંદ્રેશ મકવાણા સાથેના સંકલનમાં પ્રકાશિત થયો. 2014થી તેમણે 'સંવેદના સમાજ' માસિક ગુજરાતી સામાયિકમાં અમલીકરણ સંપાદક તરીકે કામ કર્યું। 2014થી દર રવિવારે સંદેશ છાપામાં તેમની 'મનની મોસમ' નામે કોલમ આવતી હતી. હાલમાં તેઓ ગુજરાત સમાચારમાં 'અંતરનેટની કવિતા' નામે કોલમ લખે છે. 15 ફેબ્રુઆરી, 2012માં તેમનો પહેલો ગઝલ સંગ્રહ 'સવાર લઈને' નવભારત સાહિત્ય મંદિર દ્વારા પ્રકાશીત થયો અને એ જાણીતા લેખકો અને ટીકાકારો રઘુવીર ચૌધરી, ચિનુ મોદી, ચંદ્રકાન્ત શેઠ, રાધેશ્યામ શર્મા, અને ચંદ્રકાન્ત ટોપીવાળાએ ખૂબ વાખાણ્યો। 'એક હતી વાર્તા' ટૂંકી વાર્તાઓ તેમણે એજ વર્ષે પ્રકાશિત કરી. 19 પુસ્તકોનું તેમણે ભાષાંતર કર્યું છે. આલોક શ્રીવાસ્તવની કવિતાઓ 'આમીન'તેમણે હિન્દીમાંથી ગુજરાતીમાં ભાષાંતર કર્યું છે. અનિલ ચાવડાની તદ્દન નવી નવલકથા 'રેન્ડિયર્સ'નું હાલમાં જ અમદાવાદ ઇન્ટરનેશનલ લિટરેચર ફેસ્ટિવલ હોટેલ હયાત ખાતે વિમોચન થયું,જેમાં   શાળા જીવનના અનુભવો સુંદર રીતે આલેખન પામ્યા છે. વીસ પંચા -2007 (ગઝલ સંકલન બીજા યુવા કવિઓ અશોક ચાવડા, ભાવેશ ભટ્ટ, હરદ્વાર ગોસ્વામી અને ચંદ્રેશ મકવાણા સાથે) સવાર લઈને - 2012 (ગઝલ સંગ્રહ) એક હતી વાર્તા -2012 (ટૂંકી વાર્તાઓ) મિનિગફૂલ જર્ની - 2013 (નિબંધ) આંબેડકર: જીવન અને ચિંતન -2015 (આંબેડકરની આત્મકથા) રેન્ડિયર્સ - નવલકથા (2021) સંકલન સુખ-દુઃખ મારી દ્રષ્ટિએ - 2009 શબ્દ સાથે મારો સબંધ (હર્ષ બ્રહ્મભટ્ટની સાથે) -2012 પ્રેમ વિશે (હર્ષ બ્રહ્મભટ્ટની સાથે)- 2014 (જાણીતા કવિ અને લેખકો દ્વારા લખાયેલા લેખો) આકાશ વાવનારા - 2013 (એવોર્ડના વિજેતા શિક્ષકોનો જાત અનુભવ) આચરે તે આચાર્ય - 2013 (એવોર્ડ વિજેતા આચાર્યનો જાત અનુભવ

Showing the single result