Eileen Caddy
1 Book / Date of Birth:- 26-08-1917
એઇલીનનો જન્મ ર6 ઇજિપ્તમાં થયો. ઇજિપ્તના એલેક્ઝાન્ડ્રિયા બંદર ખાતે એઇલીનના આઇરિશ પિતા આલ્બર્ટ બાર્કબેઝ બૅંકના ડિરેક્ટર હતા. તેમની માતા મ્યુરિલ અંગ્રેજ હતી. ચાર ભાઈ-બહેનોમાં એઇલીનનું સ્થાન બીજું હતું. છ વર્ષની ઉંમરે તેઓ ઇજિપ્ત છોડી આયરલૅન્ડની શાળામાં દાખલ થયાં. પછીથી તેમને ઇંગ્લૅન્ડની બૉર્ડિંગ સ્કૂલમાં મૂકવામાં આવેલાં. ત્યાં તેઓ સુખી ન હતાં અને એક ઠોઠ વિદ્યાર્થિની તરીકે ઓળખાતાં. તેમની કોઈ ખાસ ઉલ્લેખનીય ધાર્મિક પાર્શ્વભૂમિકા નથી. તેમના પિતા ચર્ચમાં જતા નહીં. આઇરિશ ફોઈ સાથે એઇલીન ચર્ચમાં જતાં થયાં હતાં. તેમને બાઇબલનું વાચન ગમતું અને બાઇબલ વાંચ્યા પછી તેમનામાં આધ્યાત્મિક ઝંખનાઓ જાગતી, છતાં ચર્ચ તેમને ખાસ આકર્ષી શક્યું નહીં. ધાર્મિક સંસ્કાર ગ્રહણ કરવાનો તેમણે ઇનકાર કર્યો હતો. એઇલીન સોળ વર્ષનાં હતાં ત્યારે પિતાનો પેરિયેનિટીસ નામની બીમારીથી દેહાંત થયો. એઇલીન એકલી પડી ગયેલી માતાને મદદરૂપ થવા ઇજિપ્ત પાછાં ફર્યાં. 1934માં તેઓ ઇંગ્લૅન્ડ ગયાં. એકાદ વર્ષ પછી ત્યાં મેનેન્જાઇટીસથી તેમનાં માતા પણ મૃત્યુ પામ્યાં. ઓગણીસ વર્ષની ઉંમરે તેઓ એક સ્થાનિક કૉલેજમાં દાખલ થયાં અને એક નાના ઘરમાં ભાઈ પેડી જોડે રહેવા લાગ્યાં. આ ઘર આરએએફ થાણાની નજીક હતું. આરએએફના એક અફસર એન્ડ્રુ કામ્બેએ તેમની સામે લગ્નનો પ્રસ્તાવ મૂક્યો અને 13 મે, 1939માં તેઓનાં લગ્ન થયાં. પાછળથી એઇલીને જણાવ્યું હતું કે, `તેઓ કદી એન્ડ્રુના પ્રેમમાં હતાં નહીં, પણ તેમણે તેને પ્રેમ કર્યો હતો !' તેમને રિચાર્ડ નામનો પુત્ર અને જેની, મેરી – એલિઝાબેથ' સુસાન અને પેની – આ પાંચ સંતાનો આ 1939થી 1951 સુધીના ગાળામાં થયાં. બીજા વિશ્વયુદ્ધનાં વર્ષો ઇંગ્લૅન્ડમાં ગાળ્યા પછી તેઓ અમેરિકા આવ્યાં. પ્રથમ કેન્સાસના ફોર્ટ લીવનવઈમાં ત્યાર પછી મેક્સવેલ ફિલ્ડ અલાબામાં અને તે પછી ઇરાકના હેલ્બનિયામાં, તે પછી તેઓો ફરી બ્રિટિશ શાસનમાં રહ્યાં.

Showing the single result