M. V. Kamath
5 Books / Date of Birth:- 07-09-1921 / Date of Death:- 09-10-2014
શ્રી એમ. વી. કામથ પાસે પાંચ દાયકાના વૈવિધ્યપૂર્ણ અનુભવોનો સમૃદ્ધ ખજાનો છે. વિશ્વભ્રમણ દરમિયાન એમણે લોકોને એમની બાજ નજરે નિહાળ્યા છે. એમની પાસે સમાચારો પારખવાની તીવ્ર ગંધશક્તિ છે. સમાજના દરેક સ્તરના લોકો સાથે તેમને ભેટો થયો છે. રાજવીઓથી માંડીને નૉબલ પારિતોષિક વિજેતાઓ, ફિલ્મ અને નાટ્યજગતની વિખ્યાત હસ્તીઓથી માંડીને રાજકીય ક્ષેત્રે નામાંકીત રાજકારણીઓ અને મુત્સદ્દીઓ જેવાં અનેકને તેઓ મળ્યા છે એ એક અદ્ભુત વાત છે. પત્રકારત્વએ શ્રી એમ. વી. કામથ માટે વિશાળ દુનિયાના દ્વાર ખોલી નાંખ્યા. એમનું જીવન આનંદીત કરી મૂકે તેવી નવાઈઓથી ભરપૂર હતું. નવા દિવસનું પ્રભાત શું નવીનતા લાવશે એની કલ્પનામાં એઓ રાચતા. શ્રી એમ. વી. કામથ ધી ઇલેક્ટ્રેટેડ વીકલીના તંત્રી હતા. ખબરપત્રી, તંત્રી અને પત્રકાર તરીકે એમની ઉજ્જવળ કારકિર્દી મુંબઈ, બૉન, ન્યુયોર્ક, પેરિસ અને વોશિંગ્ટન ડી.સી.ના રંગે રંગાઈ છે. એમણે ફ્રી પ્રેસ જર્નલ બુલેટીન, ભારત જ્યોતિના તંત્રી તરીકે, પી.ટી.આઈ.ના યુ.એન. ખાતેના સંવાદદાતા તરીકે, યુનાઇટેડ એશિયાના આલેખ પ્રદાન કરનાર તંત્રી તરીકે અને ધી ટાઇમ્સ ઑફ ઇન્ડિયાના વિદેશ સંવાદદાતા તરીકે કામગીરી બજાવી છે. હાલ એઓ પ્રસારભારતીના અધ્યક્ષ છે અને મનીપાલ ઍકેડમી ઑફ હાયર એજ્યુકેશન દ્વારા સંચાલિત ઇન્સ્ટિટ્યૂટ ઑફ માસ કમ્યુનિકેશનના માનદ્ નિયામક છે.