Ramchandra Patel
2 Books / Date of Birth:- 01-08-1939
રામચંદ્ર બબલદાસ પટેલ  જેઓ તેમના સુક્રિત નામે પણ ઓળખાય છે, તે ભારતના ગુજરાતના ગુજરાતી કવિ, નવલકથાકાર અને ટૂંકા વાર્તા લેખક છે. પટેલનું લેખન તેમના ગ્રામીણ જીવન અને કુદરત અને કૃષિ સાથે ગાઢ સંપર્ક દ્વારા પ્રભાવિત છે. તેમણે બે કવિતા સંગ્રહ, મારી અનાગસી ઋતુ (૧૯૭૭) અને પદ્મનિદ્રા (૨૦૦૧) પ્રકાશિત કર્યા છે, જેમાં છાંદસ અને અછાંદસ કવિતાઓમાં કુદરત અને કૃષિ માટેનો તેમનો પ્રેમ સ્પષ્ટ છે. સીમાંતર (૨૦૧૩) માં ૮૧ કવિતાઓ છે. તેમણે અનેક નવલકથાઓ લખી છે. એક સોનેરી નદી (૧૯૭૮) સૂર્યદેવ અને રન્નાદે વચ્ચેના સંબંધ વિશે છે. પૃથ્વીની એક બારી (૧૯૮૫) તે ઉત્તરાર્ધ છે. વરાળ (૧૯૭૯) એ દુકાળ સામે લડતા નાયકની વાર્તા છે. સ્વર્ગનો અગ્નિ (૧૯૮૧)માં નાયક કલ્કિ બની હિંસા દ્વારા માનવતાને બચાવવા નીકળે છે. અમૃતકુંભ (૧૯૮૨)માં નાયક પોતાની વાસનાઓ લડે છે. ચિરયાત્રી (૧૯૮૬) માં નાયક વર્ષો પછી રણમાં સમાઈ ગયેલા તેના ગામને જોઈને ભૂતકાળ વાગોળે છે. તેમની અન્ય નવલકથાઓ રાજગઢી (૧૯૯૬), મેરુયજ્ઞ (૧૯૯૮), અંગારક (૧૯૯૯), સોનેગરુ (૨૦૦૪), અરણ્યદ્વાર (૨૦૦૬) વગેરે છે. સ્થળાંતર (૧૯૯?) અને એક બગલથેલો (૧૯૯૮) તેમના ટૂંકી વાર્તા સંગ્રહ છે જેમાં સ્થળાંતર, નિયતિ અને તેના મનોવૈજ્ઞાનિક પ્રભાવ વિશેની વાર્તાઓ છે. અગિયાર દેરાં (૨૦૧૨) ગ્રામીણ પર્યાવરણમાં રચાયેલ વાર્તા સંગ્રહ છે. અડધો સૂરજ સુકો, અડધો લીલો (૨૦૦૦) એ પ્રકૃતિવિષયક નિબંધસંગ્રહ છે. તેમણે હું ખાડામાંથી બહાર (1972) નું સંપાદન કર્યું છે. 2004 માં તેમને કુમાર સુવર્ણ ચંદ્રકથી નવાજવામાં આવ્યા હતા. તેમને ગુજરાતી સાહિત્ય પરિષદ અને ગુજરાત સાહિત્ય અકાદમી તરફથી ઇનામો પણ મળ્યા છે.

Showing all 2 results