Ramesh Tanna
1 Book
રમેશ પ્રભુરામ તન્નાનું વતન ઉત્તર ગુજરાતનું અમરાપુર ગામ. પિતા ખેડૂત અને માતા ગૃહિણી. માતા પ્રભાબહેન પાસેથી માતૃભાષા, પિતા પાસેથી સરળતા અને ગામ પાસેથી સામાજિક દાયિત્વનો વારસો મળ્યો. પત્રકારત્વ વિષયમાં ડિપ્લોમા, ડિગ્રી (સ્નાતક) અને માસ્ટર ડિગ્રી (પારંગત) કર્યા પછી તેમણે બે વર્ષ ગૂજરાત વિદ્યાપીઠમાં પૂર્ણ સમયના વ્યાખ્યાતા તરીકે ફરજ બજાવી. ન્યૂ યોર્ક (અમેરિકા)થી પ્રકાશિત થતા ‘ગુજરાત ટાઇમ્સ’ સાપ્તાહિકમાં પત્રકાર-સંપાદક અને નિવાસી તંત્રી તરીકે 14 વર્ષનો ‘મનવાસ’ માણ્યો. ‘પૉઝિટિવ મીડિયા’ના માધ્યમ દ્વારા હકારાત્મક પત્રકારત્વ કરે છે. હૃદયથી શિક્ષક છે અને શૈક્ષણિક સંસ્થાઓમાં પત્રકારત્વ ભણાવે છે. બાળકો માટે વાચનશિબિરો યોજે છે. ‘વિચાર ટ્રસ્ટ’ સાથે મળીને ‘ગાંધીમિત્ર ઍવૉર્ડ’નું આયોજન કરે છે. છેલ્લા ત્રણ દાયકામાં ગુજરાતની સ્વૈચ્છિક, સેવાકીય અને રચનાત્મક કાર્ય કરતી સંસ્થાઓ વિશે લેખન કર્યું છે. સાહિત્યિક અને સાંસ્કૃતિક ક્ષેત્રના રિપોર્ટિંગમાં પણ તેમણે સાતત્ય અને સ્તર જાળવ્યાં છે. હાસ્યલેખન કરે છે. વક્તા છે. સોશિયલ મીડિયા-ફેસબુક પર તેઓ 2014થી નિયમિત રીતે ‘આજની પૉઝિટિવ સ્ટોરી’નું આલેખન કરે છે. સમાજમાં ઠેર ઠેર થતી સદ્ પ્રવૃત્તિઓની વિગતને રસપ્રદ રીતે મૂકે છે. દેશ-વિદેશના લાખો લોકોના હૃદય સુધી તેની સુગંધ પહોંચે છે. તેમનાં જીવનસાથી અનિતા તન્ના પણ જાણીતા પત્રકાર-લેખિકા અને કર્મશીલ છે. દીકરો આલાપ ફિલ્મ મેકિંગનો ડિગ્રી અભ્યાસ કરી રહ્યો છે.

Showing the single result