Tirthank Rana
1 Book / Date of Birth:- 05-02-1991
આ એન્જીનીયર લોકો કમાલ હોય છે નહીં? કોઈપણ ફિલ્ડમાં જાય ત્યાં કમાલ કરી બતાડે! ગુજરાતી ભાષા પ્રત્યેના લગાવને કારણે એક મિકેનિકલ એન્જીનીયર લેખનમાં ઉતર્યો અને વાચકો ના પ્રેમભર્યા ઉમળકાનો સાક્ષી પણ બન્યો! તિર્થંક રાણા એટલે કે હું મારી વાત કરું તો મને જીવનમાંથી રોજ કંઈક નવું શીખવા મળે છે. આ શીખેલું-સમજેલું લોકો સુધી પહોંચાડવાનો, એમને એક નવી દિશા તરફ વિચાર કરવા પ્રેરિત કરવાનો પ્રયાસ એટલે પાછલા બે વર્ષથી ફૂલછાબની પંચામૃત પૂર્તિમાં ચાલતી મારી કોલમ "સ્ટ્રીટ લાઈટ". હું એક મૌલિક લેખક છું અને સીધું સટ લખવું એ મારી શૈલી છે. કોઈપણ વાતને અલંકારીત કરીને લખવું મને ક્યારેય આવડ્યું નથી એનું કારણ કદાચ એ છે કે એવા અલંકારીત લખાણો હું પોતે ક્યારેય વાંચી નથી શક્યો. આંખના પલકારે ભાગતા લેખો, વાર્તાઓ મને અતિશય પ્રિય છે અને એવો જ પ્રયાસ અમે પ્રતિ અઠવાડિયે સ્ટ્રીટ લાઈટ કોલમમાં કરું છું. અહીં એક વાત નોંધાવીશ કે આ કોલમ મારા એકલાની નથી, હું તો માત્ર લખું છું, એને મઠારવાનું કામ મારી પત્ની પ્રેક્ષા કરે છે. એ શક્તિ જ છે જેને લીધે પાછલા બે વર્ષથી લાગ-લગાટ મારી કોલમ છપાઈ છે, વંચાઈ છે અને વખણાઈ પણ છે. મારી કોલમનો જન્મ નહોતો થયો એ સમયે મારા લખાણોના શબ્દોમાં વસેલી શક્તિની અનુભૂતિ કરી આર.આર.શેઠ પબ્લિકેશન દ્વારા મને પુસ્તક બહાર પાડવા આમંત્રણ અપાયું જેનો મેં સહર્ષ સ્વીકાર કર્યો. આજે પુસ્તક "કૃષ્ણનું Modern Management" વાચકોનો પ્રેમ અને સ્વીકૃતિ પામી રહ્યું છે એ અનુભવીને કશુંક કરી શકવાનો સંતોષ અમારા હૃદયે ઉભરે છે. મારી આ યુવાન લેખન યાત્રામાં મારા લેખ ખરેખર કોઈકનો વિચાર બને છે એ બાબતની અનેક વાર મેં અનુભૂતિ કરી છે. લેખ પ્રદર્શિત થયા બાદ સોશ્યલ મોડિયામાં મને મોકલવામાં આવતા સંદેશાઓ, મને મળતા ઈ-મેઈલ એ વાતની સાક્ષી પૂરે છે કે મારા લેખ એ "નાનો પણ રાઈનો દાણો" છે! લખવું એક કળા છે, પરંતુ દર અઠવાડિયે કંઈક નવું લખવું એ તપ છે. તપ એટલે કારણ કે જરૂરી નથી કે તમારા મનોમંથનની તપસ્યાથી દર અઠવાડિયે વાચક-ભગવાન પ્રસન્ન થાય. પરંતુ તમારે તપસ્યા ચાલુ રાખવી પડે, કારણ કે જે દિવસે તે પ્રસન્ન થયો છે ને તે દિવસે એણે અઢળક ઉલેચ્યું છે અને આગળ પણ એ વાચક-ભગવાન ઉલેચતો રહે એવી એને પ્રાર્થના મારા લેખરૂપી કર્મ થકી!
Social Links:-

Showing the single result