કૃષ્ણં વંદે જગદ્ગુરુમ્!
આજનો યુવાન કોઈ નશાની શોધમાં છે. આજનું ‘ઇન્ટરનેશનલ યૂથ કલ્ચર’ ક્યાંક ખોવાઈ જવા ઝંખે છે. એ પૂર ઝડપે મોટરબાઈક એવી મારી મૂકે છે, જાણે મરવાની ઉતાવળમાં ન હોય! બધી ફીકરની ફાકી મારીને એ જેને પ્રેમ કરે તેને અતિ તીવ્રતાથી પ્રેમ કરવાની ઉતાવળમાં છે. શિસ્ત પ્રત્યે એને થોડીક સૂગ હોય છે. ગતિ, ઘોંઘાટ અને ઘેનના આશક એવા એ યુવાનને હશિશ, કોકેઇન અને એલ.એસ.ડી. જેવાં ડ્રગ દ્વારા મળતી બેભાનતા ખેંચે છે. કરવું શું? આવી વિચિત્ર પરિસ્થિતિમાં એને કૃષ્ણ નામનો નશો જ બચાવી શકે તેમ છે. કૃષ્ણ તૃપ્તિદાયક છે અને મુક્તિદાયક પણ છે.
કૃષ્ણ વિષે લખતી વખતે મારી કલમ થાકતી કેમ નથી? મારે એક ખાનગી વાતને જાહેર કરવી છે. પળે પળે મને એવી પ્રતીતિ થાય છે કે હું આશીર્વાદ પામેલો (blessed) જીવ છું. શું આમ કહેવામાં અહંકાર નથી? ના, ના, ના! પ્રત્યેક જીવ આશીર્વાદ પામેલો જ હોય છે. કારણ કે પરમાત્મા આશીર્વાદ પહોંચાડવામાં કદી પણ પક્ષપાત નથી કરતા. કૃષ્ણ કેવળ અર્જુનના જ સારથિ નથી, તેઓ આપણા સૌના જીવનરથના સારથિ છે. તેઓ સ્મિતપૂર્વક આપણી પ્રતીક્ષા કરી રહ્યા છે. બસ જાગીએ એટલી જ વાર છે. કૃષ્ણં વંદે જગદ્ગુરુમ્!
Be the first to review “Krushna Lila Madhur Madhur (With Cd)”
You must be logged in to post a review.